ಯಾರವಳು....?

   ಮೊನ್ನೆ ಅವಳು ಸಿಕ್ಕಾಗ                                 

   ಹೇಳಬೇಕೆನಿಸಿತು...?

    ನಾಲಿಗೆ ಶಬ್ದಗಳನ್ನೇ ಹೊರಡಿಸಲಿಲ್ಲ

    ಹೇಳಬೇಕಾದ್ದನ್ನ

    ಹೇಳಬಾರದ್ದನ್ನ

  ಕಪ್ಪೆಯ ವಟಗುಟ್ಟುವಿಕೆಯಂತೆ ಬಚ್ಚಿಡಲಾಗಲಿಲ್ಲ ...?

  ಅವಳ ಕಪ್ಪುಬಣ್ಣದ ಆಕರ್ಷಣೆಯನ್ನು

  ಮನಸೆಳೆಯುವ ಕಣ್ಣೋಟದ ಬಗ್ಗೆ

  ಕೇಳಲೇ ಬೇಕೆನಿಸುವ ಮಧುರ ಧ್ವನಿಯಬಗ್ಗೆ ಹೇಳಲಾಗಲಿಲ್ಲ ?

                      

  ದೂರದಿಂದಲೇ ಗುರುತಿಸುವ ನಡಿಗೆಯನ್ನ

  ಮಲಗಿದಾಗ ನನ್ನೆದೆಯಲ್ಲಿ ಕೇಳುವ ಗೆಜ್ಜೆ ಸಪ್ಪಳವನ್ನ

  ಕನಸಿನಲ್ಲಿ ಕಾಡುವ ಆ ಮುಖ ನಿನ್ನದೇ ಎಂದು ಹೇಳಲಾಗಲಿಲ್ಲ ?

        

  ಈಗ ಧೈರ್ಯವಿದೆ

  ನಾಲಿಗೆ ಶಬ್ದಗಳನ್ನು ಹೊರಡಿಸುತ್ತಿದೆ

  ಕನಸಿನಲ್ಲಿ ಕಾಣುವ ಹುಡುಗಿ ನನ್ನೆದುರಿಗಿದ್ದಾಳೆ

  ಜೊತೆಗೊಬ್ಬ ಸಂಗಾತಿ ಮಂಜುಮಂಜಾಗಿ ಕಾಣುತ್ತಿದ್ದಾನೆ

     ನನ್ನಲ್ಲೀಗ ಎಲ್ಲವೂ ಇದೆ

     ಬತ್ತಿದ ಪ್ರೀತಿ

     ಮಂಜುಮಂಜಾದ ಕನಸು

     ಅಸ್ಪಷ್ಟವಾಗಿ ಕೇಳುವ ಕಿವಿ

     ಆಗಲೋ ಈಗಲೋ ಎದೆಯಲ್ಲಿ ಗೆಜ್ಜೆ ಸಪ್ಪಳ

     ಯಾರದೋ ಎಂಬ ಗೊಂದಲ

     ಯಾರದಿರಬಹುದು.......... ?

                             ಪತ್ರೇಶ್ ಹಿರೇಮಠ