ಕರಿಬಸವೇಶ್ವರಿ ಎಂ. ಬರೆದ ಕವನ - ಹೀಂಗಾ ಬಾ ನೆನಪೇ

ಹೀಂಗಾ ಬಾ . . . . . ನೆನಪೇ . . . . .
ಗೆಜ್ಜೀಯ ಕಟಗೊಂಡು
ಭರ ಭರನೆ  ಹೆಜ್ಜೀಯ ಹಾಕ್ಕೊಂಡು
ಬಂತೊಂದು ನನ್ನೆದೆಯಾ ನೆನಪು . . . . .

ಬಂದಂತ ನೆನಪು
ಬರಿ ನೆನಪಲ್ಲ ಅದು
ನನ್ನೆದೆಯಾ ರಸಗಳಿಗೆಯಾ ಜುಲುಪು . . . .

ನೆನಪ ಜುಲುಪನು ಬಿಚ್ಚಿ
ಬೇಸರದ ನೋವಿಗೆ ಮುಲಾಮು ಹಚ್ಚಿ
ಎದೆಯ ಗೂಡಿನ ಕಾಲನು ಬಿಚ್ಚಿ . . . .
ಕುಣಿದೆ . . .
ತಕಥೈ . . . .  ತಕಥೈ . . . . . ತಕಥೈ . . . .
ನಲಿದೆ . . .
ತಕಥೈ . . . .  ತಕಥೈ . . . . ತಕಥೈ . . .


 ಎದೆಯ ಕುಣಿಸಿದ ನೆನಪೇ
ನೋವೆನಿಸಿದರೂ ಮುದ ನೀಡಿದ
ಮಧುರ ಯಾತನೆಯ ನೆನಪೇ . . . .

ಮತ್ತೆ ಮತ್ತೆ  ಸುತ್ತಿ ಸುಳಿದು
ಹಿಂದ . . . . ಮುಂದ . . . ನೋಡದೇ ದಣಿದು
ಹೀಂಗಾ ಬಾ ನೆನಪೇ . . .
ಇದು ನಿನ್ನ ಮನಿ ಎಂದು ತಿಳಿದು
ಹೀಂಗಾ ಬಾ ನೆನಪೇ..
ಇದಾ ನಿನ್ನ ಮನಿ ಎಂದು ತಿಳಿದು . . .

ಕರಿಬಸವೇಶ್ವರಿ ಎಂ.
ನಿಂಬಳಗೇರಿ. ಕೂಡ್ಲಿಗಿ ತಾ!!