ನೀ ನನ್ನ ಮರೆತೆಯಾದೊಡೆ,ನಾನು
ರೆಕ್ಕೆ ಪುಕ್ಕವಿಲ್ಲದ ಹಕ್ಕಿ,
ಮೋಡಗಳಿಲ್ಲದ ಆಕಾಶ,
ಹರ್ಷವಿಲ್ಲದ ನಾಟಕೀಯ ನಗು....
ನೀ ನನ್ನ ಮರೆತೆಯಾದೊಡೆ, ನಾನು
ಕಳೆಯಿಲ್ಲದ ಚಂದ್ರ,
ಉದುರಿಬೀಳುವ ಉಲ್ಕೆ ನಕ್ಷತ್ರ
ದೂರದಲ್ಲಿನ ಅಸ್ಪಷ್ಟ ಪುಂಜ
ನೀ ನನ್ನ ಮರೆತೆಯಾದೊಡೆ, ನಾನು
ಬತ್ತಿದ ಒಣ ಒರತೆ,
ತೆರೆಯ ಆರ್ಭಟವಿಲ್ಲದ,
ಸತ್ತ ಸಮುದ್ರ...
ನೀ ನನ್ನ ಮರೆತೆಯಾದೊಡೆ, ನಾನು
ಫಸಲಿಲ್ಲದ ಎರೆ ನೆಲ,
ಚಿಗಿತಂತೆ ಕಂಡೂ ಬಾಡುವ ಬೆಳೆ,
ಮಳೆಗೆ ಕಾಯುವ ಬಿರಿ ಬಿಟ್ಟ ಭೂಮಿ....
ನೀ ನನ್ನ ಮರೆತೆಯಾದೊಡೆ, ನಾನು
ಮುಂಜಾವಿನ ಚಿತ್ರವಿಲ್ಲದ ಕನಸು,
ನೋವಿನಿಂದ ನರಳುವ,
ಯಾಂತ್ರಿಕ ಜೀವಂತ ದೇಹ.......
ಪತ್ರೇಶ್ ಹಿರೇಮಠ್
ಹಗರಿಬೊಮ್ಮನಹಳ್ಳಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ